Академия талабаларининг “Шон-шараф” музейига ташрифи

Талабаларнинг Иккинчи жаҳон уруши тўғрисидаги хабардорлигини ошириш, халқимизнинг урушдаги матонати ва жасоратини намойиш этиш мақсадида Тошкент шаҳридаги “Шон-шараф” музейига ташриф ташкил этилди.

Академия талабалари уруш давридаги воқеалар, ҳарбий ҳаракатлар ва Ўзбекистон халқининг урушдаги ҳиссаси ҳақида қизиқарли маълумотлар билан танишдилар.

Музейда Иккинчи жаҳон уруши давридаги муҳим ҳужжатлар, ҳарбий либослар, қаҳрамонлик орден ва медаллари, фотосуратлар ва турли асбоб-ускуналар кўргазмага қўйилган. Бу ерда, шунингдек, фронтда жанг қилган ҳамюртимизларнинг қаҳрамонликларини эслаб, уларнинг мардонавор курашганликлари ҳақида маълумотлар келтирилган бўлиб, улар унутилмас таассуротлар қолдиради.

Талабаларига ушбу музей экспозицияси, хусусан юртдошларимизнинг тинчлик ва озодлик йўлидаги мардона кураши, бу йўлдаги жасоратлари катта қизиқиш уйғотди. Улар музейдаги экспонатлар орқали уруш даврида халқимиз дуч келган қийинчиликлар ва шунга қарамай, кўрсатган мислсиз жасоратини ўрганиш имкониятига эгадирлар.

Мазкур тадбир ёшларда ўз халқи учун ғурур, ватанпарварлик ҳисларини сингдириб, ўтмишдаги тарихга, тарихий муносиб муносабатни мустаҳкамлаш йўлида муҳим аҳамият касб этди.