Саф тайёргарлиги бўйича мусобақа ўтказилди

9 май – Хотира ва қадрлаш куни муносабати билан ёшларни ҳарбий ватанпарварлик руҳида тарбиялаш, Ватанга бўлган муҳаббат туйғусини шакллантириш, уларни касбий тайёргарлиги бўйича билим ва кўникмаларини мустаҳкамлаш ҳамда келгуси хизмат фаолиятига тайёрлаш мақсадида Ўзбекистон Республикасининг Ҳуқуқни муҳофаза қилиш академиясида 1-курс ўқув гуруҳлари ўртасида Саф тайёргарлиги мусобақалари ўтказилди.

Тадбирнинг очилиши маросимида Ўзбекистон Республикаси Миллий гвардиясининг алоҳида намунали ҳарбий оркестри ва фахрий қоровули бўлинмаси ўз чиқишларини намойиш этдилар.

Мусобақа давомида иштирокчилар “Саф тайёргарлиги”дан саф майдонида гуруҳнинг тантанали ва саф қўшиғи билан юриши бўйича Миллий гвардия офицер-ходимлари ва ҳарбий хизматчиларидан ташкил топган ҳакамлар томонидан баҳоландилар.

Унга кўра, натижалар қуйидагича тус олди:

1-ўрин – “Тергов фаолияти” йўналишининг “Б” поток 3-гуруҳи;

2-ўрин – “Тергов фаолияти” йўналишининг рус тили таълими гуруҳи;

3-ўрин – “Тергов фаолияти” йўналишининг “А” поток 3-гуруҳи.

Танлов дўстона ва кўтаринки руҳда ўтказилди, ғолиблар эса муносиб равишда диплом, кубок ва китоблар билан тақдирландилар.

Бу каби тадбирлар доимий ташкил этиб келинади.