Академия талабалари инсон ҳуқуқлари ва атроф муҳитга масалаларига бағишланган халқаро тадбирда иштирок этишди

Aкадемиянинг бир гуруҳ талабалари Европа Кенгаши ҳамда Қозоғистон Республикаси Президенти ҳузуридаги Инсон ҳуқуқлари бўйича комиссия ҳамкорлигида Олмаота шаҳрида инсон ҳуқуқлари ва атроф-муҳит бўйича ташкил этилган баҳорги мактабда таҳсил олишди.

Мазкур тадбирда Қозоғистон, Қирғизистон, Тожикистон, Туркманистон ва Ўзбекистондан 40 нафардан ортиқ талаба иштирок этди.

Ушбу лойиҳанинг асосий мақсади талабаларни инсон ҳуқуқлари бўйича Европа судининг атроф-муҳит ва иқлим ўзгариши соҳасидаги суд амалиёти билан таништириш ҳамда уларга соҳадаги глобал ўзгаришлар ва халқаро ҳуқуқий ҳужжатлар бўйича ҳар томонлама маълумот беришни таъминлашдан иборат.

Баҳорги мактабда Инсон ҳуқуқлари бўйича Европа конвенциясининг хусусиятларига эътибор берилиб, олинган билимларни қўллаш ва муаммоли вазиятларни ҳал қилишга қаратилган амалий машғулотлар ўтказилди.

Мазкур тадбир Европа судининг суд амалиёти билан яқиндан танишиш, талабаларни қизиқтирган маълумотлар билан алмашиш ва тенгдошлар ўртасида дўстона муносабатлар ўрнатиш имконини берди.

Баҳорги мактаб битирувчиларига сертификатлар топширилди.