Академия томонидан навбатдаги экологик тадбир ташкил этилди

Академия томонидан экология ва табиатни асраш, экологик маданиятни шакллантиришга йўналтирилган тадбирлар мунтазам равишда ўтказиб келинмоқда. Булар орасида маҳаллий ҳокимиятлар билан ҳамкорликда ўтказиладиган тозалаш акциялари ҳамда аҳолини экологик хабардорлигини оширишга қаратилган тадбирлар, дарахт экиш ва бошқалар бор.

Барқарор Ривожланиш Мақсадларидан бири бўлган табиат ва атроф муҳитни муҳофаза қилиш, экологик маданиятни шакллантиришга қаратилган ишлар доирасида навбатдаги плоггинг тадбири Академия ходимлари ва талабалари Миробод ва Яккасрой туманларида ташкил этилди.

Плоггинг – бу югуриш ва чиқиндиларни йиғиш билан бир вақтда амалга ошириладиган экологик ҳаракатдир.

Плоггинг марафон иштирокчилари ҳудудни чиқиндилардан тозалаш ишларини амалга оширдилар. Тадбир якунида 100 дан ортиқ қопда чиқиндилар йиғилди ва ҳудуд тозаланди. Иштирокчиларнинг фаоллиги ва интизоми натижасида тадбир юқори даражада ўтказилди, иштирокчиларнинг экологик маданияти янада оширилди.

Бу каби тадбирлар нафақат атроф муҳитни яхшилашга, балки жамиятнинг экологик саводхонлигини оширишга ҳам хизмат қилади. Академия келгусида ҳам экологик тадбирларни ўтказишни режалаштирган ва барча фаол ёшларни бундай ҳаракатларга қўшилишга чақирмоқда.