Академия талабаларини суд процесси (Moot Court) бўйича халқаро танловга тайёрлаш бўйича семинар-тренинг

Академия томонидан “Минтақавий мулоқот” ХННТ Ўзбекистондаги филиали билан ҳамкорликда Академия талаба ва тингловчиларини суд процесси (Moot Court) бўйича танловга тайёрлаш бўйича тренинг ташкил этилди.

Тадбир мақсади талабаларни суд жараёни бўйича халқаро мусобақаларда, шу жумладан Phillip C. Jessup International Law Moot Court танловида иштирок этиши учун тайёрлаш ва хабардорлигини ошириш ҳисобланади.

Маълумот учун: Phillip C. Jessup International Law Moot Court танлови халқаро ҳуқуқ бўйича энг нуфузли мусобақа ҳисобланади. Танловда 100 дан ортиқ давлатдан 700 га яқин юридик факультетлар жамоалари қатнашади.

Мазкур тренингда Академия талабалари, шунингдек талабаларни мазкур мусобақага тайёрлашга масъул Академия ўқитувчилари иштирок этди.

Тадбир хорижий эксперт Бостон Ҳуқуқ мактаби профессори Джоан Блум томонидан олиб борилди.

Тадбирни Академия бошлиғининг биринчи ўринбосари Е.Коленко, “Минтақавий мулоқот” ХННТ Ўзбекистондаги филиали раҳбари П.Горьюп кириш сўзи билан очиб беришди.

Тренингда мусобақа тарихи ва унда иштирок этиш қоидалари батафсил тушунтирилиб, мусобақа доирасида берилган кейс (казус)лар ҳуқуқий ечимини излаш, бунда электрон ахборот ресурсларидан фойдаланиш, муаммоли вазият бўйича аргументларни шакллантириш ва тизимлаштириш, аргументларни оғзаки ва ёзма баён этиш бўйича амалий машғулотлар ўтказилди.