Академия талабаси греплинг бўйича жаҳон чемпионлигини қўлга киритди

Академияда спортга бўлган эътибор ва ёшларнинг жисмоний ривожланишига қаратилган тадбирлар ҳар доим юқори даражада бўлиб келган. Академия раҳбарияти спорт билан шуғулланиш учун барча зарур шарт-шароитларни яратиб, талабаларнинг соғлом ва фаол ҳаёт тарзига риоя қилишини рағбатлантирмоқда.

Жорий йилнинг 19-21 июль кунлари Андижон вилоятида греплинг бўйича жаҳон чемпионати бўлиб ўтди. Бу чемпионатда дунё бўйлаб кўплаб машҳур спортчилар иштирок этишди ва мусобақа юқори савияда ташкил этилди. Чемпионат жаҳоннинг турли мамлакатларидан келган спортчилар ўртасида ўтказилган бўлиб, ўзининг юксак рақобати ва қийинлиги билан ажралиб турди.

Академиямиз талабаси Гулиев Шамшир Шакирович ушбу чемпионатда 81 кг вазнгача бўлган йўналишда иштирок этиб, жаҳон чемпионлиги унвонини қўлга киритди. Шамшир ўзининг юқори спорт маҳоратларини намоён этиб, рақибларини мағлубиятга учратди ва муваффақиятга эришди. Бу ғалаба нафақат унинг шахсий ютуғи, балки Академиямиз жамоасининг ҳам юксак мағрурлигига сабаб бўлди.

Академия жамоаси Гулиев Шамширнинг бу ғалабаси билан чуқур фахрланади ва уни чин юракдан қутлайди. Бу ютуқ талабаларимизга катта илҳом манбаи бўлиб, уларни янада юқори натижаларга эришишга рағбатлантиради. Шамширнинг бу муваффақияти Академияда спортга бўлган эътибор ва ёшларнинг жисмоний ривожланишига қаратилган тадбирлар қанчалик самарали эканлигини яна бир бор тасдиқлайди.

Академия келгусида ҳам талабаларни ҳар томонлама қўллаб-қувватлаш ва уларга замонавий шарт-шароитларни яратиш бўйича ўз ишини давом эттиради.