Akademiya talabasi grepling bo‘yicha jahon chempionligini qo‘lga kiritdi

Akademiyada sportga bo‘lgan e’tibor va yoshlarning jismoniy rivojlanishiga qaratilgan tadbirlar har doim yuqori darajada bo‘lib kelgan. Akademiya rahbariyati sport bilan shug‘ullanish uchun barcha zarur shart-sharoitlarni yaratib, talabalarning sog‘lom va faol hayot tarziga rioya qilishini rag‘batlantirmoqda.

Joriy yilning 19-21 iyul kunlari Andijon viloyatida grepling bo‘yicha jahon chempionati bo‘lib o‘tdi. Bu chempionatda dunyo bo‘ylab ko‘plab mashhur sportchilar ishtirok etishdi va musobaqa yuqori saviyada tashkil etildi. Chempionat jahonning turli mamlakatlaridan kelgan sportchilar o‘rtasida o‘tkazilgan bo‘lib, o‘zining yuksak raqobati va qiyinligi bilan ajralib turdi.

Akademiyamiz talabasi Guliyev Shamshir Shakirovich ushbu chempionatda 81 kg vazngacha bo‘lgan yo‘nalishda ishtirok etib, jahon chempionligi unvonini qo‘lga kiritdi. Shamshir o‘zining yuqori sport mahoratlarini namoyon etib, raqiblarini mag‘lubiyatga uchratdi va muvaffaqiyatga erishdi. Bu g‘alaba nafaqat uning shaxsiy yutug‘i, balki Akademiyamiz jamoasining ham yuksak mag‘rurligiga sabab bo‘ldi.

Akademiya jamoasi Guliyev Shamshirning bu g‘alabasi bilan chuqur faxrlanadi va uni chin yurakdan qutlaydi. Bu yutuq talabalarimizga katta ilhom manbai bo‘lib, ularni yanada yuqori natijalarga erishishga rag‘batlantiradi. Shamshirning bu muvaffaqiyati Akademiyada sportga bo‘lgan e’tibor va yoshlarning jismoniy rivojlanishiga qaratilgan tadbirlar qanchalik samarali ekanligini yana bir bor tasdiqlaydi.

Akademiya kelgusida ham talabalarni har tomonlama qo‘llab-quvvatlash va ularga zamonaviy shart-sharoitlarni yaratish bo‘yicha o‘z ishini davom ettiradi.