Бизнес-таҳлилчи лавозимига танлов эълон қилинади

Ўзбекистон Республикаси Ҳуқуқни муҳофаза қилиш академияси Ахборот-коммуникация технологиялари ва ахборот хавфсизлигини таъминлаш бўлимига бизнес-таҳлилчи (senior) мутахассис лавозимига танлов эълон қилади (шартнома асосида вақтинчалик иш).

Академия ҳақида: Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Бош прокуратура Академияси негизида Ўзбекистон Республикаси Ҳуқуқни муҳофаза қилиш академияси ташкил этилган.

Тергов ҳамда ҳуқуқни муҳофаза қилиш фаолиятининг бошқа соҳаларида кадрларни тайёрлаш, қайта тайёрлаш ва уларнинг малакасини ошириш Академия фаолиятининг асосий йўналишлари этиб белгиланган.

Ҳозирги вақтда Академия фаолиятига вақтинчалик асосда Ахборот-коммуникация технологиялари ва ахборот хавфсизлигини таъминлаш бўлимига бизнес-таҳлилчи (senior) мутахассисси жалб қилиш зарурати мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик ҳуқуқий шартнома имзоланади.

Бизнес-таҳлилчи (senior) қуйидаги мажбуриятларни бажаради:

амалдаги дастурий тизимларни таҳлил қилиш ва самарасиз қисмларни аниқлаш;

самардорликни ошириш ва харажатларни камайтириш бўйича тавсиялар ишлаб чиқиш;

ҳар бир лойиҳа бўйича талабларни йиғиш, таҳлил қилиш ва расмийлаштириш;

лойиҳанинг барча иштирокчилари учун мақсадлар ва вазифаларни аниқлаш;

молиявий прогнозлар, хавф таҳлили ва рентабелликни баҳолашни ўз ичига олган режалар яратиш;

турли бўлимлар ва лойиҳа иштирокчилари ўртасида самарали мулоқотни таъминлаш;

белгиланган муддатларда мақсадларга эришиш учун жамоанинг ишини мувофиқлаштириш;

лойиҳаларнинг бажарилишини кузатиш;

лойиҳа ҳолати ҳақида мунтазам ҳисоботлар тайёрлаш;

Номзодга қўйиладиган талаблар:

Олий маълумотга эга бўлиши (ахборот технологиялари сохасида маълумотга эга номзодларга устуворлик берилади).

25 ёшдан кичик, 55 ёшдан (аёллар учун 50 ёш) катта бўлмаслиги.

жараёнларни бошқариш тажрибаси, бизнес жараёнларини лойиҳалаштириш ва ривожлантириш тажрибаси (камида 5 йиллик);

ўзгаришларни бошқаришда назарий билимлар, амалий тажриба (Change Management);

техник топшириқларни ишлаб чиқиш ва дастурчилар учун вазифаларни белгилаш тажрибаси;

дастурий таъминот ишлаб чиқиш циклини тушуниш;

талаб қандай хусусиятларга эга бўлиши кераклигини тушуниш;

ташқи мижоз билан ишлаш тажрибаси: талабларни йиғиш, ҳақиқий эҳтиёжни аниқлаш;

ҳужжатларни лойиҳалаш тажрибаси (бизнес талаблари, функционал моделлар, жараёнларни лойиҳалаш);

мавжуд бизнес жараёнлари ва алгоритмлари бўйича сўров ўтказиш, "as is" тавсифини ишлаб чиқиш ва "to be"ни лойиҳалаш;

бошқариш, методология ва жараённи тавсифлаш ёзувларини билиш (АБС, Jira, SQL, Confluence, BPMN2.0, UML, eEPC ва бошқалар.);

намунавий шахсий фазилатларга – интеллект, маданиятли, ижодий, хушмуомалалик, ватанпарварлик ва ташаббускорлик қобилиятларига эга бўлиши, масъулият ҳисси, мустақил иш тутиш хусусиятларига эга бўлиши зарур.

Бизнес таҳлилчини ишга қабул қилиш Академия ички локал ҳужжатларида белгиланган тартибда амалга оширилади ва Академия раҳбари буйруғи билан амалга оширилади.

Бажариладиган иш муддати: мазкур иш муддати 10 ойга белгиланган бўлиб, келгусида заруратга кўра, фуқаро меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа билан ҳамнафас ишлаш, берилган топшириқларни ўз вақтида бажариш,

Иш вақти: 40 соатлик, ҳафтасига 5 кунлик иш режимини ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий таълим олганлик ҳақида диплом ва унинг иловаси, меҳнат дафтарчаси нусхаси, СТИР маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг заруратга кўра талабгор билан комиссия таркибида суҳбат ўтказилади.

Ҳужжатларни топшириш муддати – 2024 йил 27 август (шу куни ҳам).

Манзил: Тошкент ш. Юнусобод тумани Рихсили 9.

Тел.: 71-202-04-96;   97-431-10-70.