Россия Федерацияси Тергов қўмитаси Санкт-Петербург академияси билан ҳамкорликнинг истиқболли йўналишлари муҳокама қилинди

Ўзаро ҳамкорлик тўғрисидаги битим ижроси доирасида Россия Федерацияси Тергов қўмитасининг Санкт-Петербург академияси илмий котиби С.Ю.Мелиховнинг Ўзбекистон Республикаси Ҳуқуқни муҳофаза қилиш академиясига ишчи ташрифи амалга оширилди.

Ташриф давомида томонлар замонавий ўқув дастурлар ва илғор халқаро стандартлар асосида тергов ҳамда ҳуқуқни муҳофаза қилиш фаолиятининг бошқа соҳаларида кадрларни тайёрлаш, қайта тайёрлаш ва уларнинг малакасини ошириш соҳасида ўзаро ҳамкорликни сифат жиҳатидан янги босқичга олиб чиқиш масалаларини муҳокама қилишди.

Шунингдек С.Ю.Мелихов Академия фаолияти, прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар, ўқув инфраструктураси, профессор-ўқитувчилар ва тингловчиларга яратилган шароитлар билан яқиндан таништирилди.

Конструктив мулоқот якунида томонлар ўзаро ҳамкорликнинг барча йўналишларида фаолликни оширишга келишиб олишди.