Жиноий статистика бўйича минтақавий тренингда иштирок

Ҳуқуқни муҳофаза қилиш академияси вакили гендер масалаларига оид жиноий статистика бўйича минтақавий тренингда иштирок этди. Тадбир БМТнинг Гиёндлик ва жиноятчилик бўйича бошқармаси (UNODC) томонидан БМТнинг Осиё ва Тинч океани Статистика институти билан ҳамкорликда Японияда ташкил этилди.

Тадбирда халқаро экспертлар ва 12 давлатдан келган иштирокчилар, шу жумладан Барқарор ривожланиш мақсадларининг 5- ва 16-вазифаларига оид маълумотларни шакллантиришга масъул миллий статистика идоралари ва бошқа давлат органлари вакиллари қатнашди.

Тадбир иштирокчиларнинг миллий, минтақавий ва халқаро даражадаги маълумотлар ва микродата ёрдамида гендер ва жиноят билан боғлиқ Барқарор ривожланиш мақсадлари кўрсаткичларини шакллантириш бўйича салоҳиятни ошириш, ўзаро тажриба алмашиш ва ҳамкорликни мустаҳкамлаш имкониятини берди.