“Қонун устувор – жазо муқаррар” мавзусида илмий-амалий конфереция

Ҳуқуқни муҳофаза қилиш академиясида “Қонун устувор – жазо муқаррар” мавзусида илмий-амалий конференция ташкил этилди.

Ўзбекистон Республикаси Президентининг Фармони билан тасдиқланган 2022–2026 йилларга мўлжалланган Янги Ўзбекистоннинг Тараққиёт стратегияси мақсад ва вазифалардан келиб чиқиб ўтказилган илмий-амалий конференцияда Академиянинг профессор-ўқитувчилари, мустақил изланувчилари ва таянч докторантлари, Жамоат хавфсизлиги университети, Судьялар олий кенгаши ҳузуридаги Судьялар олий мактаби, Инсон ҳуқуқлари бўйича Миллий марказ, Тошкент давлат юридик университети, Ички ишлар вазирлиги академияси, Фанлар академияси Давлат ва ҳуқуқ тарихи институтининг вакиллари иштирок этди.

Конференцияда дастлаб Академия бошлиғининг ўринбосари М.Мамасиддиқов томонидан Тараққиёт стратериясида белгиланган қонун устуворлигини таъминлашда ҳуқуқни муҳофаза қилувчи органларнинг устувор вазифалари, бу борада олий таълим ва илмий-тадқиқот муассасаларининг тутган ўрни тўғрисида сўз юритилиб, бугунги кунда мамлакатимизда “Қонун устувор – жазо муқаррар” тамойилини бош мезонга айлантириш долзарб эканлиги таъкинланди.

Шунингдек, конференция иштирокчилари ҳуқуқни муҳофаза қилувчи органлар томонидан жиноятчиликка қарши курашиш ва унинг олдини олишда давлат ва жамоатчилик назоратини ўзаро уйғунлаштириш, қонун устуворлигини таъминлашда жазонинг муқаррарлигини таъминлаш юзасидан фикр-мулоҳазалар билдирдилар.

Тадбир якунида конференцияга иштироклари ва жамоатчилик вакиллари ўзларини қизиқтирган саволларга мутахассислардан жавоб олишди.