IV Тошкент аксилкоррупция форумида иштирок этилди

Жорий йилнинг 16-17 октябрь кунлари Академия раҳбарияти ва ходимлари Ўзбекистон Республикаси Коррупцияга қарши курашиш миллий кенгаши, Коррупцияга қарши курашиш агентлиги, БМТнинг Гиёҳвандлик ва жиноятчилик бўйича бошқармаси ҳамда бошқа халқаро ташкилотлар ҳамкорлигида ташкил этилган IV Тошкент аксилкоррупция форуми ишида иштирок этишди.

Форумнинг дастлабки куни ташкил этилган “Коррупцияга қарши курашиш сиёсатини бўйича ҳужжатларни ишлаб чиқиш ва жорий этиш: стратегиялар ва бошқа дастурлар”, “ННТнинг коррупцияга қарши курашишдаги иштироки: миллий ва хорижий тажриба” ҳамда “Гендер масалалари ва коррупцияга қарши курашиш” сессияларида Академиянинг профессор-ўқитувчилари ва илмий изланувчилари иштирок этиб, барча тадбирларнинг муҳокамаларида фаол қатнашдилар.

Форумнинг иккинчи кунида ташкил этилган ялпи мажлисни Ўзбекистон Республикаси Олий Мажлиси Сенати Қўмита раиси Н.Умаров, Коррупцияга қарши курашиш агентлиги директори А.Бурханов, Европа Иттифоқининг Ўзбекистондаги эчиси Тоиво Клар, БМТ Тараққиёт дастурининг Ўзбекистондаги доимий вакили Акико Фужии, БМТ Гиёванд моддалар ва жиноятчиликка қарши курашиш бошқармасининг Марказий Осиёдаги минтақавий вакили Оливер Столп ҳамда Германия Халқаро ҳамкорлик жамияти (GIZ) “Good governance” дастури раҳбари Виктор Кеслер кириш сўзи билан очиб беришди.

Ялпи мажлисдан сўнг Ўзбекистонда коррупцияга қарши курашишга ҳисса қўшган ташкилотлар ва фуқароларни тақдирлаш маросими ўтказилди.

Тақдирлаш маросимидан сўнг тадбир иштирокчилари Форум доирасида ташкил этилган 3 та сессияларда, шу жумладан: “Коррупцияга қарши курашишнинг янги даври: инновацион технологиялар коррупциянинг олдини олишнинг самарали воситаси сифатида”, “Коррупцияга қарши маданият ижтимоий зиддиятларни бартараф этиш воситаси сифатида” ҳамда “Манфаатлар тўқнашувининг олдини олиш ва мувофиқлик тизимларини жорий этиш: муаммолар ва истиқболлар” номли сессияларда қатнашишди.

Мазкур сессияларда иштирокичлар коррупцияга қарши курашиш соҳасидаги халқаро ташкилотлар ҳамда хорижий давлатларнинг вакиллари сессиялар мавзулари доирасида илғор тажрибалар бўйича тақдимотлар қилишди.

Форумда қатнашган халқаро ва хорижий мутахасислар Ўзбекистонда коррупцияга қарши курашиш соҳасида амалга оширилаётган ислоҳотлар ва эришилаётган ютуқларни эътироф этишди ҳамда бу борадаги саъй-ҳаракатларни яхшилашга қаратилган таклиф ва тавсияларни беришди.

Хусусан, Форум иштирокичиси, Финляндия Одил судлов маркази директори Туйя Бракс Ўзбекистонда Агентлик ва Академия томонидан Коррупцияга қарши курашиш виртуал академиясининг ташкил этилгани эътирофга лойиқ, деб қайд этди.