Тошкент шаҳридаги Инха университетида коррупцияга қарши курашишга қаратилган тадбир ташкил этилди.

Тошкент шаҳридаги Инха университетида Коррупцияга қарши курашиш илмий-амалий маркази ташаббуси билан навбатдаги тадбир бўлиб ўтди. Тадбирда Инха университетининг раҳбарияти, тармоқ раҳбарлари ҳамда масъул ходимлари иштирок этди.

Тадбирнинг асосий мақсади – ташкилотларда коррупцияга қарши курашиш чора-тадбирларини янада такомиллаштириш, ходимларнинг ҳуқуқий билимини ошириш ва коррупцияга оид жиноятларнинг олдини олишга қаратилган.

Коррупцияга қарши курашиш илмий-амалий маркази прокурори Б.Баҳромбеков “Коррупция ва унга оид жиноят турлари, оқибатлари ва ташкилотларда манфаатлар тўқнашуви ва коррупция хавф-хатарларни аниқлаш ва олдини олиш" мавзусида маъруза қилди.

Маърузада коррупцияга оид жиноятларнинг ҳуқуқий асослари, уларнинг жамиятга салбий таъсири ва манфаатлар тўқнашувининг оқибатлари ҳақида атрофлича маълумот берилди. Шунингдек, ташкилотларда коррупция хавф-хатарларини аниқлашнинг самарали усуллари ва уларнинг олдини олиш бўйича тавсиялар тақдим этилди.

Шунингдек манфаатлар тўқнашуви ва у билан боғлиқ жиноятларни аниқлаш жараёнида этика ва қонунчиликка амал қилишнинг муҳимлигини таъкидланиб, ҳар бир ташкилотда шаффофликни таъминлаш зарурлиги ҳақида сўз юритил. Бунда коррупция хавф-хатарларини аниқлаш ва уларнинг олдини олиш учун доимий мониторинг ва назорат тизимларини жорий қилиш муҳимлигига урғу берилди.

Тадбир якунида қатнашчилар томонидан ташкилотларда коррупция хавф-хатарларини камайтириш бўйича амалий тавсиялар ва чоралар муҳокама қилинди. Хусусан, ходимлар ўртасида ахлоқий тарбия ва ҳуқуқий билимларни кучайтириш орқали манфаатлар тўқнашувининг олдини олиш, молиявий назорат тизимларини такомиллаштириш каби механизмларни ривожлантириш зарурлиги таъкидланди.