Манфаатлар тўқнашуви қонунчилигини тушунтириш бўйича ўқув семинарлари давом эттирилмоқда

Ўзбекистон Республикаси Президентининг Ўзбекистон Республикасининг “Манфаатлар тўқнашуви тўғрисида”ги Қонуни ижросини самарали ташкил этиш чора-тадбирлари тўғрисида”ги қарорига асосан Ҳуқуқни муҳофаза қилиш академияси томонидан давлат органлари ва ташкилотларида манфаатлар тўқнашуви ҳолатларини аниқлаш, уларни бартараф этиш ҳамда олдини олиш юзасидан ўқув машғулотлари, шу жумладан семинар ва тренинглар ўтказиб келинмоқда.

Навбатдаги ўқув семинари Фавқулодда вазиятлар вазирлиги ҳузуридаги Сейсмопрогностик мониторинг республика маркази ходимлари учун ташкил этилди.

Аралаш тарзда ўтказилган семинарда Академиянинг Коррупцияга қарши курашиш илмий-таълим маркази прокурори Т.Сафаров томонидан иштирокчиларга “Манфаатлар тўқнашуви тўғрисида”ги Қонуннинг мазмун-моҳияти, давлат хизматчиларига ўрнатилган тақиқ ва чекловлар, уни бузганлик учун қонунчиликда назарда тутилган жавобгарлик чоралари бўйича ҳақидаги қоидаларни тушунтирилиб, иштирокчиларнинг қизиқтирган саволларига батафсил маълумот берилди.