Дерби университети профессори билан учрашув

Ўзбекистон Республикаси Ҳуқуқни муҳофаза қилиш академиясида Дерби университетининг (Буюк Британия) жиноятчиликни тергов қилиш соҳаси эксперти, профессор Рэй Булл билан учрашув бўлиб ўтди.

Меҳмон Академиянинг фаолияти, шу жумладан психологик ёндашувларни ҳуқуқни муҳофаза қилувчи органлар ходимлари ва терговчиларни ўқитиш жараёнига интеграция қилиниши ҳамда кадрларни тайёрлашда инновацион усулларни жорий этиш жараёнлари билан танишди.

Учрашув давомида профессор Рэй Булл тергов ва ахборот тўплаш учун самарали сўроқ ўтказиш принциплари (Méndez Principles) ҳақида батафсил маълумот берди. Ушбу принциплар илм-фан, қонунчилик ва этикага асосланган бўлиб, терговнинг самарадорлигини оширишга, инсон ҳуқуқларини тўлиқ ҳимоя қилишга ва ҳуқуқни муҳофаза қилувчи органларга ишончни мустаҳкамлашга хизмат қилади.

Учрашувда томонлар сўроқ ва тергов ҳаракатларининг самарадорлигини оширишга оид долзарб масалалар юзасидан фикр алмашдилар. Томонлар ўзаро ҳамкорлик истиқболларини муҳокама қилиб, қўшма тадқиқотлар ва лойиҳаларни биргаликда амалга оширишга келишиб олдилар.