Халқаро грантларда иштирок этишга тайёргарлик бўйича тренинг

Академия томонидан коррупцияга қарши курашиш, ҳуқуқбузарликлар профилактикасининг долзарб муаммолари юзасидан фундаментал, амалий ва инновацион тадқиқотлар ўтказиш, илмий-тадқиқот дастурлари ва лойиҳаларини, шу жумладан, миллий, хорижий ва халқаро грантларни жалб қилган ҳолда амалга ошириш бўйича муайян ишлар амалга оширилмоқда.

Академия илмий-тадқиқот ва инновацион фаолият даражаси, илмий-тадқиқот ишлари сифати, шунингдек, илмий-инновацион фаолият натижалари рейтинг кўрсаткичларини ошириш мақсадида Европа иттифоқи грантларида, шунингдек, демократия ва қонун устуворлигини мустаҳкамлаш ҳамда инсон ҳуқуқларининг ҳурмат қилинишини таъминлашга қаратилган лойиҳаларда иштирок этишни режалаштирган.

Жорий йилнинг 21 май куни грантларда иштирок этиш ва ишлаб чиқилаётган лойиҳаларнинг устувор мавзу ва йўналишларини муҳокама қилиш бўйича ишлар доирасида Академия ишчи гуруҳи экспертлари учун тренинг бўлиб ўтди.

Тадбир Академия фаолиятига лойиҳа бошқарувини жорий этиш дастури доирасида жалб қилинган лойиҳа бошқаруви соҳасидаги мутахассис М.Хакимджанова томонидан ўтказилди.

Тренинг натижасига кўра янги лойиҳаларни ишлаб чиқиш ва амалга ошириш борасида таклиф ва тавсиялар ишлаб чиқилди.