“Ёшларнинг коррупцияга қарши ташаббуслари бўйича энг яхши тақдимот” танлови доирасида тренинг ўтказилди

“Ёшларнинг коррупцияга қарши ташаббуслари бўйича энг яхши тақдимот” танловига тайёргарлик жараёнида талабалар учун махсус тренинг ташкил этилди.

Мазкур тренинг Лойиҳа бошқаруви бўлими эксперти М.Хакимжонова томонидан ўтказилди ва унда лойиҳаларни режалаштириш, тайёрлаш ҳамда тақдимот қилиш бўйича муҳим билим ва кўникмалар ёшларга етказилди.

Тренингда Академиянинг Бакалавриат факультети талабаларидан ташкил топган “Ҳалоллик йўли” тўгараги аъзолари фаол иштирок этишди. Ушбу тадбир ёшларнинг коррупцияга қарши курашиш ташаббусларини амалий қадамларга айлантиришда қимматли қўллаб-қувватловчи омил бўлди. Иштирокчиларга лойиҳаларни самарали тақдим этиш ва уларнинг натижадорлигини ошириш бўйича тавсиялар берилди.

Ушбу тренинг танлов иштирокчиларига ўз ғояларини янада аниқ ифодалаш, замонавий тақдимот воситаларидан самарали фойдаланиш ҳамда ўз мақсадларига эришиш учун зарур бўлган кўникмаларни шакллантиришга ёрдам берди.

Тренингнинг амалий аҳамияти ва талабаларда пайдо бўлган юқори мотивация ёшларнинг коррупцияга қарши ташаббусларини қўллаб-қувватлаш борасидаги ижобий натижаларни кутишимизга замин яратди.