“Yoshlarning korrupsiyaga qarshi tashabbuslari bo‘yicha eng yaxshi taqdimot” tanlovi doirasida trening o‘tkazildi

“Yoshlarning korrupsiyaga qarshi tashabbuslari bo‘yicha eng yaxshi taqdimot” tanloviga tayyorgarlik jarayonida talabalar uchun maxsus trening tashkil etildi.

Mazkur trening Loyiha boshqaruvi bo‘limi eksperti M.Xakimjonova tomonidan o‘tkazildi va unda loyihalarni rejalashtirish, tayyorlash hamda taqdimot qilish bo‘yicha muhim bilim va ko‘nikmalar yoshlarga yetkazildi.

Treningda Akademiyaning Bakalavriat fakulteti talabalaridan tashkil topgan “Halollik yo‘li” to‘garagi a’zolari faol ishtirok etishdi. Ushbu tadbir yoshlarning korrupsiyaga qarshi kurashish tashabbuslarini amaliy qadamlarga aylantirishda qimmatli qo‘llab-quvvatlovchi omil bo‘ldi. Ishtirokchilarga loyihalarni samarali taqdim etish va ularning natijadorligini oshirish bo‘yicha tavsiyalar berildi.

Ushbu trening tanlov ishtirokchilariga o‘z g‘oyalarini yanada aniq ifodalash, zamonaviy taqdimot vositalaridan samarali foydalanish hamda o‘z maqsadlariga erishish uchun zarur bo‘lgan ko‘nikmalarni shakllantirishga yordam berdi.

Treningning amaliy ahamiyati va talabalarda paydo bo‘lgan yuqori motivatsiya yoshlarning korrupsiyaga qarshi tashabbuslarini qo‘llab-quvvatlash borasidagi ijobiy natijalarni kutishimizga zamin yaratdi.