Терроризмни молиялаштиришга қарши курашиш бўйича халқаро семинар-тренингда иштирок этилди

Ўзбекистон Республикаси Ҳуқуқни муҳофаза қилиш академияси магистратураси тингловчилари Анқара шаҳрида Туркия Республикаси ИИВ Жандармерия ва соҳил хавфсизлиги академияси томонидан терроризмни молиялаштиришга қарши курашиш масалаларига бағишланган халқаро семинар-тренингда иштирок этдилар.

Дунёнинг 15 дан ортиқ давлати вакиллари иштирок этган мазкур тадбирда иштирокчилар бугунги кундаги долзарб масалалар юзасидан ўзаро фикр-мулоҳазалар ҳамда тажриба алмашиш орқали терроризмни молиялаштиришда крипто-активлардан фойдаланиш ва унга қарши курашиш масалалари, кибермаконда терроризмни молиялаштириш жиноятларни содир этилиши ва ушбу жиноятларни тергов қилиш методикасининг ўзига хос хусусиятлари ҳамда терроризмни молиялаштиришга қарши халқаро қонунчилик асосида миллий қонунчиликни такомиллаштириш масалалари билан атрофлича танишдилар.

Семинар якунида иштирокчилар томонидан терроризмни молиялаштиришга қарши курашиш борасидаги масалалар юзасидан фикр-мулоҳазалар ҳамда тавсиялар баён этилди.