“Китоб – менинг дўстим” республика кўрик-танловининг ОТМ босқичи ўтказилди

Ҳуқуқни муҳофаза қилиш академиясида Олий таълим, фан ва инновациялар вазирлиги ташаббуси билан ОТМ талабалари ўртасида ташкил этилган “Китоб – менинг дўстим” республика кўрик-танловининг олий таълим муассасаси босқичи ўтказилди.

Танловда талабаларнинг билим, маҳорати ва китобхонликка бўлган қизиқишларини ошириш мақсадида уч йўналиш асосида баҳоланди.

Хусусан, “Билимдон кутубхон” танлов йўналиши доирасида иштирокчилар тест топшириқларини бажариб, умумий билимлари ва мутолаа қобилиятларини намойиш этдилар.

“Аннотация маҳорати” танлов йўналишида талабалар ўзлари ёқтирган асар ҳақида қисқача аннотация ёзиб, ўз таҳлил қилиш қобилияти ва адабий завқини намоён қилдилар.

“Китобхонлик ва мутолаа маданиятини кенг тарғиб этиш” танлов йўналишида иштирокчилар китобхонлик ва мутолаа маданиятини кенг тарғиб қилиш борасида ўзларининг ижодий ёндашувларини кўрсатдилар.

Танлов якунида Академия бакалавриатининг 1-босқич талабаси М.Исмоилов ҳудудий саралаш босқичига тавсия этилди.

Мазкур танлов ёшлар орасида китобга бўлган қизиқишни ошириш ва уларнинг интеллектуал салоҳиятини юксалтиришга хизмат қилади.