Коррупцияга қарши курашиш соҳасидаги халқаро тадбирда иштирок этилди

Академия ходимлари, шу жумладан Коррупцияга қарши курашиш агентлиги ҳузуридаги Эксперт кенгаши аъзолари Агентликда ташкил этилган “Коррупцияга оид ҳуқуқбузарлик ҳақида хабар беришнинг ўрни ва таъсири” мавзусидаги халқаро тадбирда иштирок этишди.

Тадбирнинг биринчи қисмида БМТ Тараққиёт дастурининг Ўзбекистондаги ваколатхонаси ҳамда Корея Республикасининг Коррупцияга қарши кураш ва фуқаролик ҳуқуқлари бўйича комиссияси ҳамкорлигида амалга оширилаётган лойиҳа доирасида ўтказилган “Коррупция тўғрисидаги хабарларнинг Ўзбекистонда коррупцияга қарши курашишга таъсири” мавзусида ўтказилган сўровнома натижалари иштирокларга етказилди.

Тадбирнинг иккинчи қисмида янги ишлаб чиқилаётган “Коррупцияга оид ҳуқуқбузарлик ҳақида хабар берган шахсларни ҳимоя қилиш тўғрисида”ги қонун лойиҳаси мазмун-моҳияти бўйича ҳамда Германия ва “Transparency International” ХННТ ташкилоти экспертлари томонидан хабар бериш бўйича Европа давлатларида бу борадаги қонунчиликнинг тадбиқ этилиши бўйича тақдимотлар ўтказилди.

Ўтказилган тадбир иштирокчиларга саволлар ва таклифларни бериш орқали тадқиқот натижаларини ҳамда Ўзбекистонда ишлаб чиқилаётган қонун лойиҳасини янада такомиллаштиришга имкон яратди.