Профессор-ўқитувчиларнинг педагогик маҳоратини ошириш бўйича семинар-тренинг ўтказилди

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш мақсадида изчил ва тизимли ишлар олиб борилмоқда.

Мазкур фаолият доирасида 2024 йил 25 ноябрь куни Академияда Муҳаммад ал-Хоразмий номидаги Тошкент Ахборот технологиялари университети “Ахборот таълим технологияси” кафедраси профессори, п.ф.д. Ш.Х.Позилова иштирокида “Рақамли таълим муҳитида илмий-инновацион компетенцияларни ривожлантиришнинг педагогик асослари” мавзусида навбатдаги семинар-тренинг ташкил этилди.

Семинар-тренингда таълимда инновация тушунчаси, илмий-инновацион компетенция зарурати ва аҳамияти, таълимдаги машҳур 7 та тенденциялар мазмун-моҳияти, илмий тадқиқот ишларини олиб боришда  ProQuest, ScienseDirect, Researсh Gate каби халқаро илмий базалар ва платформалардан фойдаланиш имкониятлари, илмий материалларнинг  аналитик ва визуал таҳлили, илмий-инновацион фаолиятни ривожлантиришда сунъий интеллект воситаларидан фойдаланишнинг аҳамияти ҳақида батафсил маъруза қилинди. Тренинг давомида қатнашчиларнинг фаол иштирокида платформалардан фойдаланган ҳолда ўз илмий мақолалар базасини яратиш бўйича амалий машқ бажарилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.