“Энергия ресурсларидан фойдаланишда ҳуқуқбузарликларнинг олдини олиш ҳамда соҳада самарали назоратни ташкил этишда инновацион ёндашувлар” бўйича танлов эълон қилинади

Ўзбекистон Республикаси Ҳуқуқни муҳофаза қилиш академияси мамлакатимиздаги соҳадаги амалиётчи мутахассислар, шунингдек барча олий таълим ва илмий тадқиқот муассасаларининг ходимлари (Академия ходимлари бундан мустасно), тадқиқотчилари ва талабалари учун “Энергия ресурслари (электр энергияси ва табиий газ) дан фойдаланишда ҳуқуқбузарликларнинг олдини олиш ҳамда соҳада самарали назоратни ташкил этишда инновацион ёндашувлар” номли танлов эълон қилади.

Танлов ғолиблари қуйидагича тақдирланади:

1-ўрин учун 20 млн. сўм;

2-ўрин учун 15 млн. сўм;

3-ўрин учун 10 млн. сўм.

Талабгорлар учун танлов шартлари:

- танлов мавзуси доирасида ҳажми 3-5 бетдан ошмаган илмий-амалий таҳлилларга асосланган таклифлар тайёрлаш;

- амалиётдаги муаммо ва ҳуқуқбузарликларни мисоллар ёрдамида таҳлил қилиш;

- ҳуқуқбузарликлар шакллари ва кўринишларини баён қилиш ҳамда уларнинг олдини олиш бўйича аниқ таклифлар тайёрлаш;

- таклифларни тайёрлашда илғор хорижий тажрибага асосланиш;

- таҳлил ва таклифларни 2024 йил 10 декабрга қадар Академиянинг n.azizov@proacademy.uz электрон почтасига (MS word ёки PDF шаклда) юбориш.

Иштирокчиларнинг таклифлари Академия томонидан баҳоланади ва натижалар 10 иш куни ичида эълон қилинади.

Изоҳ: электрон файл титул саҳифасида иштирокчи ҳақидаги батафсил маълумотлар (Ф.И.Ш, манзили, иш жойи (лавозими) ёки ўқиш жойи (таълим йўналиши, курси), телефон рақами) кўрсатилиши зарур.

Мурожаат учун тел: 71-202-04-96 (ички 1915), +99890-589-56-00,

Э-почта: n.azizov@proacademy.uz (Насимбек Азизов).