Академия профессор-ўқитувчилари салоҳиятини ошириш бўйича семинар-тренинг

Ҳуқуқни муҳофаза қилиш академиясида профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш ишлари изчил ва тизимли давом эттирилмоқда.

Мазкур фаолият доирасида Тошкент шаҳридаги Халқаро Нордик университети Педагогика кафедраси доценти, Ўзбекистон Ёзувчилар уюшмаси аъзоси, С.Х.Шомуродова томонидан “Педагогнинг нутқ техникаси ва нотиқлик маданияти” мавзусида навбатдаги семинар-тренинг ташкил этилди.

Тадбирда ўқитувчининг нутқ техникаси тушунчаси, нутқ техникасининг таркибий қисмлари, нутқ техникасини ҳосил қилувчи омиллар, нотиқлик маданияти ва унинг мазмун-моҳияти, нутқ шакллари ва уларни қўллаш техникаси, ўқитувчи нутқининг таъсирчанлигини ошириш йўллари, нутқ маданиятини ривожлантириш ҳақида батафсил маълумот берилди.

Тренинг давомида қатнашчиларнинг фаол иштирокида нотиқлик маданиятини ривожлантиришга оид машқлар бажарилди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.