“Жаҳолатга қарши маърифат” мавзусида давра суҳбати

Ўзбекистон Республикаси Ҳуқуқни муҳофаза қилиш академиясида таҳсил олаётган талаба ёшларнинг мафкуравий иммунитетини ошириш, ижтимоий-сиёсий ва маънавий дунёқарашини юксалтириш  мақсадида “Жаҳолатга қарши маърифат” мавзусида маънавий-маърифий тадбир ташкил этилди.

Академия бошлиғининг ўринбосари М.Мамасиддиқов мазкур тадбирни очиб бериш учун сўзга чиқиб, глобаллашув шароитида диний-маърифий соҳада амалга оширилаётган ислоҳатлар аҳамияти ҳамда диний ақидапарастлик, экстремизм ва терроризм каби таҳдидларга қарши маърифат йўли билан курашиш зарурати ҳақида фикр билдириб, тадбир фаолиятига муваффақият тилади.

Ушбу тадбир Ўзбекистон Республикаси Дин ишлари бўйича қўмитаси маъсул мутахассислари ва Ўзбекситон халқаро ислом академияси профессор-ўқитувчилари билан ҳамкорликда ташкил этилди. Хусусан мазкур тадбирда Дин ишлари бўйича қўмитанинг Ахборот-таҳлил ва тарғибот ишларини ташкил этиш бошқармаси бош мутахассиси Дж. Меликузиев “Дунёвийлик-даҳрийлик эмас” тамойилининг мазмун-моҳияти ва амалий аҳамияти” мавзусида маъруза қилиб, унда дунёвий давлатчилик тарихи, дунёвийлик ва динийли мутаносиблигини таъминлашда қонун устуворлиги масалалари ҳақида атрофлича маълумот берди.

Мазкур тадбирда Ўзбекситон халқаро ислом академияси “Диншунослик ва жаҳон динларини қиёси ўрганиш кафедраси UNESCO” кафедраси доценти Г. Худайберганова “Ўзбекистонда реабилитация ва ижтимоийлашув институтларини шаклланиши” мавзусида сўзга чиқиб реабилитациянинг мазмуни, унинг турлари, Ўзбекистонда амалга оширилаётган ижтимоий, ҳуқуқий, тиббий ва психологик реабилитация жараёнларининг амалий аҳамияти ҳақида батафсил маълумотлар тақдим этди.

Шунингдек, мазкур кафедранинг катта ўқитувчиси Л.Алиджанова “Давлат ва диний муносабатларнинг ҳуқуқий асослари” мавзусидаги маърузасида, дунё мамлакатларида давлат ва дин муносабатларини тартибга солиш типлари, диний ташкилотларни тартибга солиш масалаларидаги ўзига хос жиҳатлари, Ўзбекистонда виждон эркинлигини таъминланишига оид масалалар ёритилди.

Ўтказилган тадбирда дунёвий давлат тушунчасининг мазмун-моҳияти, миллатлараро тотувлик ва диний бағрикенглик тамойилларининг аҳамияти, глобаллашув шароитида ривожланиб бораётган ғоявий таҳдидлар, диний мутаассиблик, экстремизм ва терроризмнинг жамият ҳаётига салбий таъсири, ёшларни соғлом дунёқараш эгаси сифатида шаклланишда замонавий билимларнинг аҳамияти мавзулари атрофлича муҳокама қилиниб, мавзулар юзасидан талабаларга қизиқарли ва фойдали маълумотлар тақдим этилди. Шунингдек, талабалар эътиборига тадбир мавзусига оид “Тинчлик қадри” номли видеоролик ҳавола этилди.

Тадбир сўнггида талабалар мутахассислардан қизиқтирган саволларига жавоблар олишди. Тадбир якунида тадбир маърузачиларига академия раҳбариятининг ташаккурномалари тақдим этилди ва келгусида ҳам ҳамкорлик алоқаларини мустаҳкалашга келишиб олинди.

Мазкур тадбир талабаларнинг мафкуравий иммунитетини ошириш, ижтимоий-сиёсий ва маънавий дунёқарашини юксалтириш билан бир қаторда ватанпарварлик, умуминсоний ва миллий қадриятларимизга юксак эҳтиром туйғуларини янада мустаҳкамлашга хизмат қилади.