Жиноий активларни қайтариш соҳасида ҳамкорлик масалалари муҳокама қилинди

Ҳуқуқни муҳофаза қилиш академиясида Жаҳон банки ҳамда БМТнинг Гиёҳвандлик ва жиноятчилик бўйича бошқармасининг Жиноий активларни қайтариш ташаббуси (StAR) экспертлари билан ишчи учрашуви бўлиб ўтди.

Учрашувда StAR ташаббуси экспертлари В.Каско, Л.Поп ва Г.Крони, шунингдек БМТнинг Гиёҳвандлик ва жиноятчилик бўйича бошқармаси минтақавий ваколатхонаси раҳбари О.Штольпе ҳамда лойиҳа координатори А.Ирмановлар иштирок этишди.

Тадбирда жиноий активларни қайтариш, хусусан Ғарбий ва Марказий Осиё давлатларининг жиноий активларни қайтариш бўйича идоралараро тармоғи (ARIN-WCA) ва унинг доимий котибияти сифатида Ҳуқуқни муҳофаза қилиш академияси фаолияти ҳамда истиқболлари муҳокама қилинди.

Ўзаро мулоқотда ушбу тармоқ ва котибият тўғрисида умумий маълумот олиниб, унинг фаолиятини такомиллаштириш ва кучайтириш юзасидан таклифлар билдирилди ҳамда келгуси ҳамкорлик режалари белгиланди.