Банк соҳасидаги ёш ходимлар учун коррупцияга қарши курашиш мавзусида семинар ўтказилди

Академия томонидан Ташқи иқтисодий фаолият Миллий банки билан ҳамкорликда банкнинг ёш ходимлари иштирокида коррупцияга қарши курашиш мавзусида ўқув семинари семинар ташкил этилди.

Аралаш тарзда ўтказилган семинарда банкнинг марказий маҳкамаси ва барча ҳудудий тузилмаларининг ишга янги қабул қилинган минг нафардан ортиқ ёш ходимлари иштирок этди.

Тадбирда Академиянинг Коррупцияга қарши курашиш илмий-таълим маркази бошлиғи Х.Турсунбеков сўзга чиқиб, Ўзбекистон Республикаси Президентининг жорий йилнинг 5 мартидаги Коррупцияга қарши курашиш миллий кенгашининг кенгайтирилган йиғилишидаги маърузасининг мазмун-моҳияти, Давлат Раҳбари томонидан коррупцияга қариш курашиш соҳасида белгилаб берилган муҳим вазифа ва мақсадлар, шунингдек мамлакатимизда коррупцияга қарши курашиш бўйича сиёсати, банк тизимида коррупцияга қарши курашиш, манфаатлар тўқнашувининг олдини олиш масалалари бўйича маълумот берилди

Ўқув семинари Миллий банк тизимига ишга кирган ёш ходимларнинг коррупцияга қарши курашиш соҳасидаги хабардорлигини оширишга, уларда коррупция иллатига нисбатан иммунитетини шакллантиришга хизмат қилади.