Кибержиноятчиликка қарши курашиш масалалари бўйича навбатдаги сайёр ўқув-амалий машғулот ўтказилди

Ўзбекистон Республикаси Ҳуқуқни муҳофаза қилиш академияси ҳузуридаги Рақамли криминалистика илмий-тадқиқот институти Жиззах вилоятида Бош прокуратуранинг кибержиноятчиликка қарши курашишда қонунийликни таъминлаш бўлими ҳамкорлигида «Кибержиноятчиликка қарши курашиш масалалари» мавзусида ўқув-амалий семинар ташкил этди.

Мазкур тадбирда вилоят прокуратураси ходимлари, туман прокурорларининг ўринбосарлари, терговчилар ҳамда вилоят ва ҳудудий ички ишлар бошқармалари оператив ходимлари иштирок этди.

Учрашув давомида кибержиноятларни аниқлаш ва тергов қилиш жараёнларида юзага келаётган тизимли муаммолар ҳар томонлама муҳокама қилинди, уларнинг олдини олиш ва бартараф этиш бўйича тавсиялар ишлаб чиқилди. Шунингдек, рақамли далилларни тўплаш ва таҳлил қилиш, ушбу соҳада назоратни кучайтиришга оид долзарб масалалар кўриб чиқилди.

Ҳуқуқни муҳофаза қилиш академияси келгусида ҳам ҳудудлардаги ҳуқуқни муҳофаза қилувчи органларнинг тергов бўлинмалари учун сайёр ўқув-амалий машғулотларни изчил давом эттиришни режалаштирмоқда.