Академияда Буюк Британиянинг Тошкентдаги элчихонаси ва “Tech Against Terrorism” ташкилоти билан ҳамкорликда семинар-тренинг ташкил этилди

Ҳуқуқни муҳофаза қилиш академиясида Буюк Британиянинг Тошкентдаги элчихонаси кўмагида “Tech Against Terrorism” ташкилоти мутахассислари Р. Донаван, Э. Хазбенд ва Х. Бреннон томонидан Давлат хавфсизлик хизмати, Ички ишлар ишлар вазирлиги ва Академия ходимлари иштирок этишди.

Тадбир мақсади ижтимоий тармоқларда терроризмга оид контентга қарши курашиш бўйича тажриба алмашиш ҳисобланади.

Маълумот ўрнида,“Tech Against Terrorism” Буюк Британияда жойлашган онлайн терроризмга қарши кураш бўйича ишларни амалга оширувчи ташкилот ҳисобланади.

Семинар-тренинг доирасида ижтимоий тармоқларда терроризмга оид контентга қарши курашиш бўйича тажриба алмашиш ҳамда ушбу соҳасидаги замонавий усуллар ва амалиётлар бўйича амалий маълумотлар берилди.

Шунингдек, тадбир давомида ташкилот томонидан 300 дан ортиқ технологик платформаларни ўзида жамлаган “Trusted Flagger Platform” платформаси орқали ҳамкорлар сўровига кўра интернетда террористик контентни ўчириш имкониятлари намойиш этилди.

Тадбир ҳуқуқни муҳофаза қилиш органлари ходимларининг ижтимоий тармоқларда терроризмга оид контентга қарши курашиш бўйича салоҳиятини юксалтиришга хизмат қилади.