“Долзарб кибертаҳдидлар ва кибержиноятларнинг содир этилишига сабаб бўлаётган омиллар” мавзусида семинар

Бугунги кунда ахборот хавфсизлиги ва кибертаҳдидлар тобора долзарб тусга эга бўлиб бормоқда. Киберҳужумлар молиявий йўқотишлар, шахсга доир маълумотларнинг қўлга киритилиши каби қатор жиддий оқибатларга олиб келиши мумкин. Шу жиҳатдан давлат хизматчилари ва аҳоли орасида мунтазам равишда тарғибот ишларини олиб бориш мақсадга мувофиқ.

Шунга кўра, Ўзбекистон Республикаси Президентининг жорий йил 30 апрель кунидаги “Ахборот технологиялари ёрдамида содир этиладиган жиноятларга қарши курашиш фаолиятини янада кучайтиришга қаратилган чора-тадбирлар тўғрисида”ги ПҚ–153-сон қарори билан ҳар йили аҳолининг кибермаданиятини юксалтиришга ва кибергигиенасини шакллантиришга қаратилган комплекс
тарғибот-ташвиқот дастури тасдиқланиб, унга кўра ноябрь ойи Кибермаданиятни юксалтириш ойлиги деб эълон қилинган.

Ҳуқуқни муҳофаза қилиш академияси Рақамли криминалистика илмий-тадқиқот институти томонидан Кибермаданиятни юксалтириш ойлиги арафасида “Trastbank” хусусий акциядорлик банкида ўқув семинари ташкил этилди.

Тадбирда кибержиноятлар содир этилишига сабаб бўлаётган омиллар ҳамда тижорат банкларида ахборот хавфсизлигини таъминлашнинг самарали усуллари бўйича тушунчалар берилди, шунингдек банк ходимларининг ўзлари жиноят қурбонига айланиб қолмасликлари боасида зарур тавсиялар берилди.