Академияда китоб, тафаккур ва ижод учрашган тадбир

Ўзбекистон Республикаси Президентининг 2026 йил 15 январдаги “Китобхонлик маданиятини ривожлантириш ва аҳоли ўртасида китоб ўқишга қизиқишни ошириш чора-тадбирлари тўғрисида”ги ПҚ-9-сон қарори ижроси доирасида Ҳуқуқни муҳофаза қилиш академиясида китобхонлик маданиятини юксалтиришга қаратилган маънавий-маърифий тадбирлар изчил ташкил этилмоқда.

Академия ходимлари ва талабалари иштирокида Ўзбекистон Ёзувчилар уюшмаси аъзоси, детектив асарлар муаллифи Зулайҳо Машарипова билан ижодий учрашув ўтказилди. Учрашув ўзбек адиблари ҳаёти ва ижоди, шунингдек замонавий адабиётнинг ёшлар маънавий камолотидаги ўрнига бағишланди.

Тадбир давомида асли касби ҳуқуқшунос бўлган истеъдодли ижодкор Зулайҳо Машарипова “Тамға”, “Ниқоб”, “Хато”, “Қасам”, “Даҳшатли никоҳ”, “Ҳаммасига онам сабаб” каби асарларининг яратилиш тарихи, уларда акс этган ҳаётий воқеликлар ва детектив жанрнинг ўзига хос жиҳатлари ҳақида атрофлича фикр билдирди. Шунингдек, адиба ўз ҳаёт йўли ва ижодий фаолияти ҳақида самимий мулоҳазалар билан ўртоқлашди.

Учрашув интерактив мулоқот руҳида ўтиб, иштирокчилар ўзларини қизиқтирган саволларга жавоб олдилар ҳамда маънавий ва интеллектуал жиҳатдан бой таассуротларга эга бўлдилар.

Мазкур тадбир ходимлар ва талабаларнинг китобхонлик маданиятини юксалтириш, маънавий дунёқарашини кенгайтириш, танқидий фикрлаш ва таҳлилий кўникмаларини ривожлантиришга хизмат қилди.