Ҳуқуқни муҳофаза қилиш академияси магистратура таълим дастурини халқаро аккредитациядан ўтказиш жараёнини ташкил этиш бўйича тажрибага эга бўлган эксперт-маслаҳатчини вақтинчалик асосда жалб қилиш учун танлов эълон қилади.
Тақдим этилган ҳужжатлар ўрганилиб, номзод маъқулланган тақдирда, у билан Академия ўртасида фуқаролик-ҳуқуқий шартнома тузилади.
Асосий вазифалар:
– халқаро аккредитация жараёнига тайёргарлик кўришда эксперт, таҳлилий ва методик кўмак кўрсатиш;
– халқаро аккредитация стандартлари, мезонлари ва тегишли методологик ҳужжатларни таҳлил қилиш ҳамда уларни таълим дастурига татбиқ этиш бўйича таклифлар ишлаб чиқиш;
– таълим дастурининг халқаро аккредитация талабларига мувофиқлигини баҳолаш, мавжуд ҳолатни таҳлил қилиш ва такомиллаштириш талаб этиладиган йўналишларни аниқлаш;
– ўзини ўзи баҳолаш ҳисоботини тайёрлаш ва такомиллаштиришда эксперт ёрдамини кўрсатиш;
– аккредитация жараёни учун зарур ҳужжатлар базасини шакллантириш, тизимлаштириш ва тайёрлаш бўйича тавсиялар ишлаб чиқиш;
– аниқланган камчиликларни бартараф этиш юзасидан амалий чора-тадбирлар режасини ишлаб чиқишда кўмаклашиш;
– жараёнга жалб этилган ходимларнинг вазифалари юзасидан тавсиялар бериш;
– халқаро агентликлар билан ўзаро ҳамкорлик ва ёзишмалар лойиҳаларини кўриб чиқиш, ташкилий масалалар бўйича маслаҳатлар бериш.
Номзодга қўйиладиган талаблар:
– олий таълим соҳасида камида 10 йиллик иш тажрибасига эга бўлиш;
– халқаро олий таълим муассасаларида академик, маъмурий ёки раҳбарлик лавозимларида ишлаган бўлиш;
– таълим дастурларини халқаро аккредитациядан ўтказиш ва сифатни таъминлаш соҳасида амалий тажрибага эга бўлиш;
– ташқи баҳолаш, аккредитация ёки таълим дастурларини экспертизадан ўтказиш жараёнларида иштирок этган бўлиш;
– ўзини ўзи баҳолаш ҳисоботларини тайёрлаш, ҳужжатлар базасини шакллантириш ва таълим дастурларини ташқи баҳолашга тайёрлаш бўйича тажрибага эга бўлиш;
– таълим дастурлари ва ўқув режаларини ишлаб чиқиш ва такомиллаштириш, таълим натижалари ҳамда баҳолаш стратегияларини шакллантириш бўйича тажрибага эга бўлиш;
– педагогика, таълим ёки турдош соҳалар бўйича PhD ва (ёки) DSc илмий даражасига эга бўлиш;
– рус ва инглиз тилларини мукаммал билиш;
– таҳлилий фикрлаш, академик ёзиш ва жамоада самарали ишлаш кўникмаларига эга бўлиш.
Иш муддати:3 ой. Зарур ҳолларда шартнома муддати узайтирилиши мумкин.
Иш режими: ҳафтасига 3 кун, аралаш (офлайн/онлайн) шаклда.
Меҳнатга ҳақ тўлаш: бажарилган ишлар натижаларига кўра, тарафлар келишуви асосида белгиланади.
Ҳужжатлар рўйхати:
– шахсни тасдиқловчи ҳужжат;
– объективка;
– олий маълумот тўғрисидаги диплом ва унинг иловаси;
– меҳнат дафтарчаси нусхаси;
– СТИР ва ПИНФЛ маълумотлари.
Ҳужжатлар Академия Магистратура факультетига шахсан тақдим этилади. Заруратга кўра номзодлар билан комиссия таркибида суҳбат ўтказилади.
Ҳужжатлар 2026 йил 2 июлга қадар қабул қилинади.
Маълумот учун:+998 71 202-04-96 (ички рақам 1716).