Ҳуқуқни муҳофаза қилиш академияси Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ва Марказий банк билан ҳамкорликда «APEX BANK» АЖ ички назорат тизими ходимлари учун жиноий даромадларни легаллаштириш ва терроризмни молиялаштиришга қарши курашиш масалалари бўйича семинар ўтказди.
Машғулотларда миллий қонунчилик ва FATF стандартлари, молиявий хавфларни аниқлаш ва баҳолаш, мижозларни лозим даражада текшириш, санкциявий чекловларга риоя этиш, манфаатлар тўқнашувини бошқариш ҳамда шубҳали операцияларни аниқлаш ва таҳлил қилиш масалалари кўриб чиқилди.
Амалий кейслар асосида банк фаолиятидаги хавф ва тизимли камчиликларни бартараф этиш, рискка асосланган ёндашувни қўллаш ҳамда ички назорат механизмларини такомиллаштириш бўйича ечимлар муҳокама қилинди.
Академия профессор-ўқитувчилари, Марказий банк ва Департамент мутахассислари иштирокида ўтказилган очиқ мулоқот банк ходимларининг молиявий хавфларни мониторинг қилиш, шубҳали операцияларни аниқлаш ва ички назорат самарадорлигини ошириш бўйича амалий кўникмаларини мустаҳкамлади.