UNODC минтақавий ваколатхонаси билан ҳамкорликда янги лойиҳани амалга ошириш бошланди

Ўзбекистон Республикаси Бош прокуратураси Aкадемияси БМТнинг гиёҳванд моддалар ва жиноятчилик бўйича бошқармасининг Марказий Осиё бўйича минтақавий ваколатхонаси билан биргаликда Ўзбекистонда виктимлаштиришга оид тадқиқот ўтказишга доир лойиҳани амалга ошириш бошланди.

Сўров натижалари ҳукумат, ҳуқуқни моҳофаза қилиш органлари ҳамда ҳуқуқбузарликлар профилактикаси учун масъул бўлган ҳар қандай  манфаатдор томонлар учун қимматли маълумот манбаи бўлиб хизмат қилиши мумкин.  

Виктимлаштириш бўйича миллий тадқиқотлар дунёнинг 70 дан ортиқ мамлакатларида, жумладан Буюк Британия, Aмерика Қўшма Штатлари, Aвстралия, Финляндия, Шарқий Европа ва Марказий Осиё мамлакатларида ўтказилган.

Бош прокуратура Академияси БМТнинг гиёҳванд моддалар ва жиноятчилик бўйича бошқармаси билан биргаликда ушбу тадқиқот учун сўров ўтказиш истагида бўлган ташкилотларни изламоқда. Қизиқиш билдирган номзодларга қуйидаги ҳавола орқали ариза топширишга таклиф қилинади: https://www.unodc.org/centralasia/en/procurement-notices.html