Ўзбекистон Республикаси Ҳуқуқни муҳофаза қилиш академиясида Республика Маънавият ва маърифат маркази билан ҳамкорликда Ёшлар куни доирасида мамлакатимиз мустақиллигининг 35 йиллигига бағишланган маънавий-маърифий тадбир ўтказилди.
Тадбирда давлатимиз раҳбари Шавкат Мирзиёевнинг Ўзбекистон Республикаси давлат мустақиллигининг 35 йиллигига бағишланган тантанали маросимдаги нутқида илгари сурилган ғояларнинг мазмун-моҳияти ва аҳамиятига эътибор қаратилди.
Унда ўттиз беш йиллик мустақил тараққиёт даври мамлакатимиз тарихида муҳим босқич бўлгани, мустақиллик бугунги ёш авлод учун ҳаёт ҳақиқати, ҳар бир фуқаро учун эса энг олий неъмат экани таъкидланди.
Тадбир давомида инсон қадри ва манфаатларини таъминлаш давлат сиёсатининг устувор йўналиши сифатида қайд этилди. Шунингдек, уч минг йиллик давлатчилик тарихи ва миллий қадриятларни замонавий тараққиёт билан уйғунлаштириш, Янги Ўзбекистон ёшларининг мамлакат келажагидаги ўрнига алоҳида эътибор қаратилди.
Миллий қадриятлар ва умуминсоний ютуқлар уйғунлиги Учинчи Ренессанс пойдеворини мустаҳкамлашда муҳим аҳамият касб этиши таъкидланди.
Тадбир ёшларда мустақилликнинг қадр-қимматини чуқур англаш, миллий ғурур ва Ватанга садоқат туйғуларини мустаҳкамлаш, шунингдек, мамлакатимизда амалга оширилаётган ислоҳотларга дахлдорлик ҳиссини оширишга хизмат қилди.