Ўзбекистон Республикаси Ҳуқуқни муҳофаза қилиш академиясига Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар академияси делегацияси ташриф буюрди.

Учрашув давомида меҳмонларга Академиянинг фаолияти, ташкилий тузилмаси, асосий фаолият йўналишлари ҳамда замонавий таълим инфратузилмаси ҳақида батафсил маълумот берилди.

Ташриф доирасида делегация Академияда прокуратура ва тергов органлари ходимларини тайёрлаш жараёни, таълимда қўлланилаётган замонавий педагогик усуллар ва технологиялар билан танишди.

Конструктив руҳда ўтган мулоқот давомида томонлар ўзаро манфаатли йўналишларда ҳамкорликни янада кучайтириш ва кенгайтиришга келишиб олдилар.