Академияда ўқитувчиларнинг педагогик маҳоратини янада ошириш, илғор халқаро тажрибани ўрганиш ҳамда таълим жараёнига замонавий ёндашувларни татбиқ этиш мақсадида навбатдаги ўқув машғулоти ташкил этилди.

Машғулотда Канаданинг таълим соҳасидаги халқаро эксперти, Вебстер университети профессори Луис Трейн иштирок этди.

Машғулот давомида таълим жараёнини самарали ташкил этиш, замонавий педагогик ёндашувлардан фойдаланиш, ўқитувчиларнинг касбий ва педагогик компетенцияларини ривожлантириш, шунингдек, халқаро таълим тажрибасини амалиётга татбиқ этиш масалаларига алоҳида эътибор қаратилди.

Шунингдек, иштирокчилар учун хорижий тилларни, хусусан, инглиз тилини ўқитиш самарадорлигини ошириш, тил билими ва амалий кўникмаларни ривожлантириш бўйича замонавий усул ва ёндашувлар юзасидан фикр ва тажриба алмашилди.

Мазкур машғулот Ҳуқуқни муҳофаза қилиш академиясида таълим сифатини ошириш, профессор-ўқитувчиларнинг касбий салоҳиятини юксалтириш ва халқаро ҳамкорликни янада ривожлантириш йўлидаги амалий қадамлардан бири бўлди.