Академияда Ўзбекистон Давлат байроғи қабул қилинганининг 35 йиллигига бағишланган маърифий ҳафталик ўтказилди
ProAcademy
(71) 202-04-96
info@proacademy.uz
Заиф кўрувчилар учун

Янгиликлар

“Et docere et discere servitute legis”

Академияда Ўзбекистон Давлат байроғи қабул қилинганининг 35 йиллигига бағишланган маърифий ҳафталик ўтказилди

Ўзбекистон Республикасининг Давлат байроғи қабул қилинганининг 35 йиллиги муносабати билан Академияда ўтказилган тадбирлар туркуми доирасида талабалар байроғимизнинг мустақиллик тарихидаги ўрни ва унга эҳтиром нимада намоён бўлиши борасида фикр алмашдилар. Ҳафталик дастуридан «Ол байроғингни, қалбинг уйғонсин!» шиори остидаги маърифий тадбирлар, талабалар челленжи ҳамда аҳоли ўртасида ўтказилган викторина ўрин олди.

Тадбирлар давомида Давлат байроғининг қабул қилиниши мустақил Ўзбекистон тарихида қандай аҳамият касб этгани, унинг ранглари ва рамзлари нимани англатиши ҳақида сўз юритилди. Байроқнинг миллий ўзликни англашдаги ўрнига алоҳида эътибор қаратилди. Халқаро майдонда Ўзбекистон байроғи остида юртимиз номидан иштирок этиш катта масъулият экани таъкидланди.

Челленж талабаларга Давлат байроғига бўлган эҳтиромини ва юрт тақдирига дахлдорлик ҳиссини ифода этиш имконини берди. Аҳоли ўртасида ўтказилган викторина эса мулоқотни Академия доирасидан ташқарида ҳам давом эттиришга хизмат қилди. Унда иштирокчилар байроқ тарихи, ранглари ва рамзлари ҳақидаги билимларини синаб кўрдилар.

Ҳафталик ёшларда Давлат байроғи ва миллий қадриятларга ҳурматни, Ватанга муҳаббат ва юрт келажагига дахлдорлик ҳиссини мустаҳкамлашга қаратилди. Ҳуқуқни муҳофаза қилиш соҳасининг бўлажак мутахассислари учун бу мулоқот Ватанга садоқат, қонунга ҳурмат ва жамият олдидаги касбий масъулият ҳақида фикр юритиш учун ҳам имконият бўлди.

Telegram Facebook