Лунд университети билан ҳамкорлик давом эттирилмоқда

Бош прокуратура Академияси ва Лунд университети (Швеция) ўртасидаги Меморандум доирасида БМТнинг Наркотиклар ва жиноятчиликка қарши курашиш бошқармаси кўмагида швециялик экспертлар П.Оллсон ва С.Семпсон иштирокида қатор ўқув ва илмий-амалий тадбирлар цикли ўтказилди.

2020 йил 27-28 февраль кунлари “Олий таълим – коррупциясиз соҳа” мавзусида халқаро илмий-амалий конференция бўлиб ўтиб, унда Лунд университетининг профессори П.Олссон маъруза билан иштирок этди.

Жорий йилнинг 2-6 март кунлари Академия магистратурасининг “Коррупцияга қарши курашиш” йўналиши тингловчилари учун Лунд университети профессори С.Семпсон иштирокида “Коррупциявий ҳолатларнинг ижтимоий-маданий сабаблари” номли ўқув курси ташкил этилди.

Ўқув курси коррупцияга қарши комплаенс назоратини амалга ошириш, коррупцияга мойиллиги кўпроқ бўлган соҳаларни аниқлаш, ходимлар хизмат вазифаларини бажариш жараёнида манфаатлар тўқнашувини бартараф этиш, коррупцияга оид ҳуқуқбузарликларни ҳамда уларни содир этишга туртки бўлган сабаб ва шароитларни аниқлаш бўйича билим ва кўникмаларни ривожлантиришга йўналтирилган.