Европа Кенгаши ва Европа Иттифоқи вакиллари билан ҳамкорликнинг асосий йўналишлари муҳокама қилинди

Бош прокуратура Академияси томонидан Европа Кенгаши ва Европа Иттифоқининг Қозоғистон Республикасидаги ваколатхонаси томонидан амалга оширилаётган “Марказий Осиё – қонун устуворлиги: шаффофликка кўмаклашиш ва иқтисодий жиноятларга қарши курашиш (СА ТАЕС UZ)” лойиҳаси ишга туширилиши доирасида лойиҳа бошқарувчилари билан видеоконференция алоқа воситасида ишчи учрашув ўтказилди.

Ишчи учрашув давомида лойиҳанинг тафсилотлари ва “Тадбиркорлик фаолиятининг виждонлилиги ва хусусий секторда мажбурий бўлган талабларга риоя этилиши (комплаенс)” ва “Коррупция ва жиноий фаолиятдан олинган даромадларни легаллаштиришга қарши курашиш ҳамда активларни қайтариш” каби долзарб йўналишлар бўйича режалаштирилаётган тадбирларни амалга ошириш юзасидан навбатдаги қадамлар муҳокама қилинди.