Академия магистратурасида масофавий таълим жараёнида хорижий экспертнинг иштироки

Ҳозирги кунда Бош прокуратура Академиясининг магистратура тингловчилари учун масофавий ўқув машғулотлари ўқув дастурига мувофиқ хорижий экспертларни жалб қилган ҳолда ўтказилмоқда.

Бунда она тилиси инглиз тили ҳисобланган хорижий экспертлар иштирокида юридик инглиз тилини чуқур ўрганишга қаратилган машғулотларни ўтказиш амалиёти давом этмоқда.

Мазкур ўқув модулини масофадан туриб ташкил этишга Академиянинг магистрлари учун доимий асосда синхрон ва асинхрон режимида ўқув машғулотларини олиб бораётган Витгенберг университети (АҚШ) битирувчиси М.Крстич жалб қилинган.

Хусусан, 6 апрель куни “Соғлиқни сақлаш масалалари ҳамда замонавий хавф-хатар ва муаммолар юзага келган шароитда фуқароларнинг хавфсизлигини таъминлашнинг ҳуқуқий жиҳатлари” мавзусида навбатдаги ўқув машғулоти ўтказилди.

Машғулот давомида магистратура тингловчилари реал вақт режимида бугунги кунда долзарб бўлган фуқароларнинг хавфсизлигини таъминлаш ва соғлиғини сақлаш, карантин даврида уларнинг ҳуқуқ ва қонуний манфаатларини ҳимоя қилиш билан боғлиқ мавзуга оид муҳокамаларни ўтказдилар, шунингдек масаланинг тегишли ҳуқуқий жиҳатларини кўриб чиқдилар.

Ўқитишнинг интерфаол усулларини қўллаган ҳолда ўтказиладиган мазкур машғулотлар магистратура тингловчиларининг юридик инглиз тили бўйича кўникмаларини такомиллаштиришга хизмат қилади.