Академия томонидан хусусий секторда коррупцияга қарши курашиш бўйича ўқув қўлланмаси тайёрланди

Коррупцияга қарши курашиш борасида мутахассисларни тайёрловчи муассасаларнинг илмий-таълим салоҳиятини ошириш мақсадида Бош прокуратура Академияси томонидан миллий, хорижий ва халқаро ҳамкорлар билан ҳамкорликда коррупцияга қарши курашишнинг турли жиҳатлари бўйича ихтисослашган адабиётлар тайёрлаш ишлари олиб борилмоқда.

Жумладан, Академия томонидан Ўзбекистон Республикаси Судьялар Олий кенгаши қошидаги Судьялар олий мактаби билан биргаликда «Хусусий секторда коррупцияга қарши курашиш: халқаро стандартлар ва хорижий давлатларнинг ҳуқуқни қўллаш амалиёти» мавзусидаги ўқув қўлланма тайёрланди.

Ўзбекистон Республикаси Олий ва ўрта махсус таълим вазирлигининг Ўқув-услубий мувофиқлаштирувчи Кенгашининг 14.08.2020 йилдаги 418-248-сонли қарори билан услубий қўлланма нашрга тавсия этилди. 

Унда хусусий секторда коррупцияга қарши курашишнинг базавий ёндашувлари, қайд этилган соҳада халқаро стандартлар талаблари, шунингдек АҚШ, Австралия, Буюк Британия, Испания, Австрия, Франция, Италия, Германия, Туркия, Чехия, Сербия, Черногория, ХХР ва бошқа давлатларнинг мазкур соҳадаги катта тажрибаси кўриб чиқилган.