Коррупцияга қарши курашиш бўйича ҳуқуқни муҳофаза қилувчи органлар ходимлари глобал тармоғининг учинчи учрашувида иштирок этилди

2019 йилнинг 10-11 декабрь кунлари Париж шаҳрида Иқтисодий ҳамкорлик ва ривожланиш ташкилотининг бош қароргоҳида Коррупцияга қарши курашиш бўйича ҳуқуқни муҳофаза қилувчи органлар ходимлари глобал тармоғининг учинчи учрашуви бўлиб ўтди.

Тадбирда 50 дан ортиқ давлат ва 15 дан ортиқ халқаро ташкилотлардан 110 дан ортиқ мутахассислар ва ҳуқуқни муҳофаза қилувчи органлар вакиллари ҳамда халқаро экспертлар иштирок этишди.

Тадбирда трансмиллий пора олиш жиноятларини тергов қилишда янги теxнологиялардан фойдаланиш, xалқаро молиявий институтлар томонидан молиялаштирилаётган лойиҳалар ва спорт соҳасидаги коррупцияга қарши курашиш борасида АҚШ, Буюк Британия, Италия, Австралия, Венгрия ҳамда халқаро ташкилотларнинг ижобий тажрибалари билан ўртоқлашилди. Шунингдек, коррупцияга қарши курашишда информацион технологиялардан фойдаланиш, криптовалюта воситасида содир этилган жиноятларни таъқиб қилиш борасида амалиётдаги муаммолар тўғрисида тақдимотлар амалга оширилди.

Ғарбий ва Марказий Осиё давлатларининг активларни қайтариш бўйича норасмий тармоғи (ARIN-WCA) Котибияти сифатида Ўзбекистон Республикаси Бош прокуратураси Академияси томонидан тармоқ фаолиятини ривожлантириш борасида амалга оширилган ишлар ва келгусида мўлжалланган стратегик режалар ҳақида маълумот тақдим этилди.

Учрашув ишчан ва информатив тарзда ўтказилиб, иштирокчилар Коррупцияга қарши курашиш бўйича глобал тармоқ фаолиятини ривожлантиришда мустахкам ҳамкорликни давом эттиришга тайёр эканликларини билдиришди.