Халқаро лойиҳани амалга ошириш бўйича навбатдаги учрашув бўлиб ўтди

Бош прокуратура Академияси халқаро ҳамкорлар билан биргаликда Фарғона водийсида виктимлаштириш масаласини ўрганиш бўйича лойиҳани амалга ошириш ишларини давом эттириб келмоқда.

Мазкур лойиҳа доирасида БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси вакиллари, шунингдек халқаро ва миллий экспертлар иштирокида видеоконференцалоқа воситасида навбатдаги ишчи учрашув ташкил этилди.

Учрашувда тадқиқот давомида сўров ўтказиш учун аутсорсинг компанияларни жалб қилиш бўйича тендерни ташкил этиш билан боғлиқ масалалар муҳокама қилинди.

Экспертлар гуруҳи томонидан Бош прокуратура тегишли таркибий тармоқларининг ўрганиш жараёнида алоҳида эътибор талаб этадиган жиҳатларга доир фикр ва таклифлари виктимология нуқтаи назаридан кўриб чиқилди. Виктимология бўйича хорижий экспертлар, профессорлар Ян Ван Дейк ҳамда Жан Ван Кастеринг томонидан мазкур лойиҳани муваффақиятли амалга ошириш юзасидан таклиф ва тавсиялар илгари сурилди.

Учрашув конструктив руҳда ўтди, лойиҳани амалга ошириш бўйича навбатдаги вазифалар белгилаб олинди.