Гастинг хуқуқ мактаби (АҚШ) билан ҳамкорлик

2020 йил 2 июль куни Гастинг ҳуқуқ мактаби (АҚШ) билан ҳамкорликни давом эттириш доирасида Академияда USAID ҳуқуқий ислоҳотлар дастури кўмагида қонун ижодкорлиги бўйича  ўқув дастурларини ишлаб чиқиш масалалари видеоконференцалоқа воситасида муҳокама қилинди.

Қонун ижодкорлиги соҳасида билим ва кўникмаларини ривожлантиришга қаратилган курслар инновацион таҳлилий ва адаптив таълим, шу жумладан LexLab форматидаги таълим технологияларини қўллаган ҳолда компетенциявий ёндашув асосида магистратура дастурлари ва прокуратура ходимлари малакасини ошириш курсларининг таркибий қисми сифатида хизмат қилади.

Муҳокама давомида иштирокчилар Гастинг ҳуқуқ мактаби билан мазкур йўналишда юридик кадрларни касбий тайёрлаш соҳасида билим ва технологиялар алмашинувини таъминлашга қаратилган экспертларнинг ўзаро ҳамкорлиги дастурини ишлаб чиқдилар.