Виктимлаштириш қўшма лойиҳаси доирасидаги келгуси режалар муҳокама қилинди

“Фарғона водийсида ёшлар ижтимоий уйғунлик учун” лойиҳаси доирасида виктимлаштириш тадқиқотини ташкил этиш масалаларини муҳокама қилиш мақсадида Бош прокуратура Академияси ходимлари ҳамда БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси вакиллари,  шунингдек, халқаро ва миллий экспертлар ўртасида видеоконференцалоқа воситасида навбатдаги учрашув бўлиб ўтди.

Учрашув доирасида БМТнинг Гиёҳванд моддалар ва жиноятчилик бўйича бошқармаси бош офисининг халқаро экспертлари Энрико Бизоньо ҳамда Фатма Исметовалар бундай тадқиқотларни ўтказиш тажрибаси билан ўртоқлашдилар, шунингдек маҳаллий экспертларга тадқиқотни сифатли ва самарали ташкил этишнинг муҳим жиҳатларига оид тавсиялар бердилар.