Европа Кенгаши ва Европа иттифоқининг Марказий Осиё бўйича лойиҳаси доирасида ҳамкорлик кенгайтирилмоқда

Жорий йил 22 июль куни Академия раҳбариятининг Европа Кенгаши Инсон ҳуқуқлари ва қонун устуворлиги Бош бошқармасининг Шарқий шериклик ва Россия Федерацияси инсон ҳуқуқлари Миллий бўлими раҳбари Т. Карапетян ва ЕК эксперти Г. Тугуши билан учрашуви бўлиб ўтди.

Учрашув давомида Европа Кенгашининг юридик соҳа вакиллари учун инсон ҳуқуқлари бўйича ўқитиш дастурини (HELP) жорий қилиш орқали Академиянинг таълим жараёнига ҳуқуқни муҳофаза қилувчи органлар ходимлари учун инсон ҳуқуқларини ҳимоя қилиш бўйича қўшма ўқув дастурларини тайёрлаш борасида ҳамкорликни йўлга қўйиш имкониятлари муҳокама қилинди.

Ушбу вазифалар Европа ва бошқа халқаро стандартларга мувофиқ инсон ҳуқуқлари, қонун устуворлиги ва демократияни мустаҳкамлашга қаратилган Европа Кенгаши ва Европа Иттифоқининг “Қонун устуворлиги дастури –Марказий Осиё” мавзусидаги қўшма 4 йиллик (2020 – 2023 йй.) лойиҳаси доирасида амалга оширилади.