ЮНИСЕФнинг Ўзбекистондаги ваколатхонаси раҳбари билан учрашув

2020 йил 17 ноябрь куни Ўзбекистон Республикаси Бош прокуратурасида БМТнинг болалар жамғармаси (ЮНИСЕФ)нинг Ўзбекистондаги ваколатхонаси раҳбари М.Мамедзаде бошчилигидаги делегацияси билан учрашув бўлиб ўтди.

Учрашувда Бош прокурор ўринбосари Э.Юлдашев, Академия ва Бош прокуратура таркибий тармоқлари раҳбарлари иштирок этди.

Учрашув давомида Бош прокуратура ва ЮНИСЕФнинг 2019–2020 йилларга мўлжалланган Иш режасини амалга ошириш билан боғлиқ масалалар муҳокама қилинди.

ЮНИСЕФ ваколатхонаси раҳбари Бош прокуратура Академияси билан болалар ҳуқуқларининг турли соҳаларидаги ҳамкорликни ижобий баҳолаб, жумладан, “Тошкент шаҳрининг Чилонзор тумани мисолида Ўзбекистонда вояга етмаганларни жиноий таъқибдан четлаштириш чора-тадбирлари ва тикловчи адолат ёндашувларини амалга ошириш” лойиҳасининг аҳамиятини қайд этди.

Учрашув якунлари бўйича томонлар ўзаро манфаатли соҳаларда ҳамкорликни янада мустаҳкамлашга тайёр эканликларини билдирдилар.