Хатланган ва мусодара қилинган активларни бошқариш бўйича халқаро ўқув тренингининг ўтказилиши

Бош прокуратура Академияси Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Котибияти вазифасини амалга ошириши доирасида БМТнинг Гиёҳвандлик ва жиноятчилик бўйича бошқармаси билан ҳамкорликда 2020 йилнинг 16-18 ноябрь кунлари мазкур тармоқ аъзо давлатлари вакиллари учун “Хатланган ва мусодара қилинган активларни бошқариш” мавзусида ўқув тренинги ташкиллаштирди.

Мазкур тренинг онлайн шаклда, тармоққа аъзо ҳамда кузатувчи бўлган – Афғонистон, Покистон, Тожикистон, Туркманистон, Украина, Ўзбекистон, Қозоғистон, Қирғизистон ва Эрон давлатларининг активларни (мулкларни) қайтариш ва бошқаришга масъул бўлган ваколатли давлат органларининг 30 дан ортиқ вакиллари иштирокида ўтказилди.

Буюк Британия, Бельгия ва Гернси давлатларидан бўлган хорижий экспертлар тренинг иштирокчилари билан музлатилган, хатланган ва мусодара қилинган активларни бошқариш борасидаги ўзларининг ижобий тажрибаси ва илғор амалиёти билан бўлишишди.

Виртуал гуруҳларга бўлинган ҳолда уч кун давомида ҳамкорликда вазифаларни бажариш тренинг иштирокчиларига активларни бошқариш соҳасидаги қонунчилик ва уни амалиётда қўллаш бўйича тажриба алмашиш, ушбу соҳадаги ёндашувлар ва тенденциялар билан танишишлари учун имконият яратди.