ARIN-WCA тармоғининг Бошқарув гуруҳи йиғилиши

Жорий йилнинг 19 ноябрь куни Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Бошқарув гуруҳининг навбатдаги йиғилиши ўтказилиб, ушбу тадбир тармоқнинг доимий Котибияти сифатида Бош прокуратура Академияси томонидан ташкиллаштирилди.

Мазкур йиғилиш видеоконференцалоқа шаклида, Қирғиз Республикаси Бош прокуратураси вакиллари раислигида ўтказилиб, унда Бошқарув гуруҳи аъзолари ҳамда гуруҳнинг доимий кузатувчиси бўлган БМТнинг Гиёҳвандлик ва жиноятчилик бўйича бошқармаси ҳудудий координатори Д.Камписи иштирок этди.

Шунингдек йиғилишга экспертлик ҳамрохлик хорижий мутахассислар Д.Томас ва Ф.Раффрейлар томонидан амалга оширилди.

Бошқарув гуруҳи аъзолари ARIN-WCA тармоғининг Аҳдлашув баёноти ҳамда йиғилиш кун тартибига кўра 2021 йилда тармоқда раисликни амалга ошириш ва Бошқарув гуруҳи таркибини янгилаш, шунингдек ARIN-WCAда кузатувчи мақомини белгилаш каби масалаларни кўриб чиқди.

Йиғилиш якунларига кўра тегишли қарорлар қабул қилинди.